• شنبه 30 دی 96

ورود به شام -( قرا گونه او زمان قالدی زینب علیا )

148

ورود به شام


قرا گونه او زمان قالدی زینب علیا
قریب شامه یتیشدی قطار آل عبا

نجه یتیشدیله سوز چوخدی شرحی مشکلدی
دیوم عریضه ویریم گر چه عُمده نسگیلدی

حسین باشی گونه بنذر دالیندا اولدوز وار
گلن او باش دالیسیجا نچه اوغولسوز وار

علی قیزی اوتوروبدور شکسته محملده
تیکوبدی گوز اونا بیر عدّه خرداجا قز وار

اوزاق سفر ایلیوبلر چکوبله درد فراق
سولوبدی رنگلری یوزلرین دوتوب تپراق

او خورداجا بالالار شمر دون طلسمینده
باخان دییَر بولارون روحی یوخدی جسمنده

ز بس که شمر ستمگر قویوبدی ظلمه اساس
اوجا سسی ائشیدن وقته ایلیوللر هراس

رقیّه نی خبر آلما نه حالدا رنگی قاچوب
گورنده شمر اونی هر یرده تازیانه آچوب

دینمورم تیکان اوستونده هی قاچوب یخلوب
دوه نون اوسته او بیچاره قوش کیمی سخلوب

باخار جداده گوز آلتیجا اکبرین باشینا
سوزون دینمیور اما یارالی قارداشینا

او وقته شمر دنی ترک کاروان ائتدی
یزید حضورینه کسب اجازیه گئتدی

وئروبدی مژدۀ فتحین او مرد خون آشام
دئدی ائدوم نجه آل عبانی داخل شام

او بی حیا دئدی من غرفه ده رجالیلن
اوتورموشام باخورام شوکت و جلالیلن

گئدوب حسین حرمین قزلارین گتور شامه
ورودی ده گرک اجرا اولا بو برنامه

بو داش اولان اورگیمده بیر آیری نیت وار
توقف ایله او دروازه ایکه ساعت وار

گر ایسته سون ایده سن فکریمی منیم راحت
اسیرلر گرک اوردا دایانسون اوچ ساعت
 
حسین باشینی جدا اوسته ساخلیاندا ئوزون
باخوب بو غرفه نون اوسته منه دوشنده گوزون

خدنگ ظلم او زمان قلب عالمه دگسون
جدانی اگ منه زهرا بالاسی باش اگسون

باش اگمدی منه چون ساغلیقیندا سبط علی
بو آرزومی گرک ایندی ائلییم عملی

باجیسینا نه قدر نسگل اولسادا اولسون
بالاجا قزلاری باشینی یولسادا یولسون

یوزینه نازلی بالالارینون وورون سیلی
بالاجا گوزلری قانیله دولسا قوی دولسون

او بی حیایه ایلیکی یتیشدی بو فرمان
جفا و ظلم و عداوتده قویمادی نقصان

گرک بو یرده سرشک بصر دونه نهره
گورک نه حالیله زینب گلوبدور اول شهره

علی قزیدی گورک کیم گئدوبدی پیشوازه
و یا او غمکشه مسکن اولوبدی دروازه

یوخیدی ذره ای نقصانی طمطراقینده
حسین گلور باجیسی زینبون قباقینده

دایاندی قافله ساعتده اضطرابیله
همان زمانیده شمر لعین شتابیله

اراده ائتدی جفا تیری عالمه دگسون
جدا باشیندا حسین تا یزیده باش اگسون

همان زمانیده معجز نما کسوک باشدان
تلألؤ ایلدی نور خدا کسوک باشدان

یزید چشمنه گویا بیر اوخ چخوب دگدی
به فوری دوشدی یوز اوسته حسینه باش اگدی

دئین یوخیدی او شمره اوتان حیا ایله
عزیز فاطمیه ظالم آز جفا ایله

مجازی اوخ بلی لوح حقیقته دگمز
حسین جداده ده اولسا یزیده باش اگمز

اوتانمادی گنه اول شمر بی حیای شرور
بیر آیری ظلم ایلسون ایلدی ئوزون مامور

دوشوب بو فکره دل کایناتی یاندیرسون
بنات فاطمه نی شهریده دولاندیرسون

حسین عیالینی گور شهر چار راهینده
قالوبدی یوزلری ابر سیه پناهینده

بو سوزی عرض ائدورم گر ئورک داش اولسا یانور
یاخونلاشان اولارا خارجی دئور دایانور

امام ئولوب اوزینه خون کبریا یاخلوب
نیه او شامیده بس اللره حنا یاخلوب

نیه علی قزینون یوخدی سس وئرن سسینه
نیه چکولَّه قطاری یهود کوچه سینه

حسین که نیزه نون اوستونده کشف ائدور اعجاز
نیه او قانلی باشی داشلار ایلیور پیشواز

لباس قاره اونون خردا بیر قیزی گیینوب
نیه او شامون اوشاقلاری قرمزی گیینوب

امام ساجده باخ رخت محنته بوکولور
مریضدور باشینا باملردن اود توکولور

حسین که قاسمه طوی ائلیوب او غملی چاقی
عروسی ناقه نون اوسته هانی عروس اطاقی

گورولَّه اوغلی ئولوب محنت و غمی چوخدور
نیه او غمزده لیلانی دیندیرن یوخدور

دئین او منقذه یوخ اودلانور فراقینده
اوغول باشین آنانون ساخلاما قباقینده

ووروب او غمزدیه دل یاراسی اینجیتمه
جدانون اوسته دی نورس بالاسی اینجیتمه

او قدری سسلیوب اکبر گلنده یوللاردا
رمقی یوخدی باتوبدور صداسی اینجیتمه

او باشی وئر آناسی پاک ائدوب یوزین سیلسون
گلوب ترحمه الله رضاسی انجیتمه

اوغول باشی سینه سی اوسته شهرده گزسون
بله هامی بودور اکبر آناسی اینجیتمه

ویرنده جان ملک الموته گل بویور شاها
بو «انورون» واریدور چوخ خطاسی اینجیتمه

 

شاعر : حاج قدیر انور

  • شنبه
  • 29
  • مهر
  • 1396
  • ساعت
  • 8:56
  • نوشته شده توسط
  • علی ببیرپور

ارسال دیدگاه


اشعار جدید ماه مبارک شعبان

در فضیلت و اعمال ماه شعبان از امام جعفر صادق(ع) روایت است که چون ماه شعبان داخل مى‌شد، حضرت امام زین العابدین(ع) اصحاب خود را جمع مى‌کرد و مى‌فرمود: اى گروه اصحاب من! مى‌دانید این چه ماهى است، این ماه شعبان است و حضرت رسول (ص) مى‌فرمود: شعبان ماه من است، پس در این ماه روزه بدارید، براى محبت پیغمبر خود و براى تقرب به سوى پروردگار خود، به حق آن خدایى که جان على بن الحسین به دست قدرت اوست، سوگند یاد مى‌کنم که از پدرم حسین بن على(ع) شنیدم که فرمود شنیدم از امیرالمؤمنین(ع) که هر که شعبان را روزه دارد، براى محبت پیغمبر خدا و تقرب به سوى خدا، خدا او را دوست دارد و نزدیک گرداند او را به کرامت خود در روز قیامت و بهشت را براى او واجب گرداند.

اشعار جدید ماه مبارک شعبان

در فضیلت وفرمود شنیدم از امیرالمؤمنین(ع) که هر که شعبان را روزه دارد، براى محبت پیغمبر خداگرداند.

اشعار جدید ماه مبارک شعبان

در فضیلت وفرمود شنیدم از امیرالمؤمنین(ع) که هر که شعبان را روزه دارد، براى محبت پیغمبر خداگرداند.

اشعار جدید ماه مبارک شعبان

در فضیلت وفرمود شنیدم از امیرالمؤمنین(ع) که هر که شعبان را روزه دارد، براى محبت پیغمبر خداگرداند.

تعداد اعضا ۱۷4۲۵ نفر


ورود کاربران